ആഗ്രഹം ഒരു ജൈവ പ്രക്രിയ ആകുമ്പോള്‍, അത് നിര്‍ധാരണം ചെയ്യപ്പെടുന്നു, നൈസര്‍ഗികമായി.. അത് അധി ജൈവ പ്രക്രിയ ആകുമ്പോള്‍, എന്താണോ ആ സമൂഹം ജൈവമായി കാംക്ഷിക്കുന്നത്, അത് തന്നെയാണ് സംഭവിക്കുക. (അതിനായി ഏതു പാത്തോക്രാറ്റിന്റെ സാക്നെതിക നിര്‍ധാരണം മുന്‍ നടന്നാലും.) ആഗ്രഹം ജൈവം തന്നെയാണ്. സങ്കേതങ്ങള്‍ ഇട്ടു അതിനെ കലുഷിതമാക്കാത്തപ്പോള്‍, പൊതുവായ ഒന്നിലേക്ക് മാത്രമേ അത് നമ്മെ കൊണ്ട് ചെന്നെത്തിക്കൂ..
Monday, April 23, 2012
ആഗ്രഹിക്കല്‍, ഒരു ജൈവപ്രക്രിയാണ്.
ഒറ്റയ്ക്കായാലും, കൂട്ടമായിട്ടാണെങ്കിലും, ആഗ്രഹിക്കല്‍, ഒരു ജൈവപ്രക്രിയാണ്. യുക്തി വിചാരം, ഒരു അധിജൈവ പ്രക്രിയ ആണ്. ജൈവാവസ്ഥകളുടെ ഉയര്‍ന്ന പ്രവര്‍ത്തന തലങ്ങളില്‍ പങ്കാളികളാകുന്ന ജൈവ സത്തകളുടെ പ്രവര്‍ത്തി രീതിയെ ആണ് ഈ അധി ജൈവ ധര്‍മം എന്ന് വിവക്ഷിച്ചത്‌. വീ ആകൃതിയില്‍ പറക്കുന്ന പക്ഷികളെ കാണുക . വിനിമയങ്ങളുടെ സാങ്കേതിക കല്പനകള്‍ ഇല്ലാതെ തന്നെ, വിനിമയം ജൈവമായും പ്രാഥമികമായും നിര്‍വഹിക്കപ്പെടുന്ന ഒരവസ്ഥ ആണത്. ഉയര്‍ന്ന സമൂഹങ്ങളില്‍, ഈ പ്രാഥമിക ജൈവ വിനിമയം നഷ്ട്ടമാകുന്നു. അവിടെ പറക്കലിന്റെ ആകൃതിയെ പറ്റി യുക്തി വിചാരം വേണ്ടി വരുന്നു. ആ സമൂഹത്തിലെ ഓരോ പറവകളുടെയും കരണത്തെയും പ്രതികരണത്തെയും വിശകലനവും വ്യാഖ്യാനവും ചെയ്യേണ്ടി വരുന്നു.
Subscribe to:
Post Comments (Atom)
No comments:
Post a Comment