ഇരിക്കുന്നത്. സോളാര് ഇലക്ട്രിഫിക്കെഷന് , ജൈവ അരി, ഓര്ഗാനിക്
ഫാബ്രിക് വസ്ത്രങ്ങള്, തുടങ്ങി പലതും തയ്യാറായി വരുന്നുണ്ട്.. ഇതര
ഉത്പന്നങ്ങള് അന്വേഷണത്തില് ആണ്.. ശരിയായി വരുന്നു..
സോളാര് പാനലുകളും, അനുബന്ധ കാര്യങ്ങളും.. ഒളിമ്പസ്സിന്റെ ഒരു ബന്ധു
ഇന്ത്യയിലേക്കും ഏറ്റം ചുരുങ്ങിയ ചെലവില് ഉയര്ന്ന ശേഷിയുള്ള ഘടകങ്ങള്
ഇറക്കുമതി ചെയ്യുകയാണ്. വിതരണം / സേവന ദാനം നവഗോത്രസമൂഹം ചെയ്യാം എന്ന്
കരുതുന്നു. ബദല് / പാരമ്പര്യേതര ഊര്ജ സ്രോതസ്സുകള് ഒളിമ്പസ്സിന്റെ
മുഖ്യ മേഖല ആണെന്നറിയാമല്ലോ..
സീറോ ബഡ്ജെറ്റ് ഫാമിംഗ് എന്നാല് ചെലവില്ലാ കൃഷി എന്നാണ് അര്ഥം. ലാഭ
രഹിതം എന്നല്ല. കര്ഷകന്റെ അദ്ധ്വാനവും മറ്റും മാത്രം ചെലവാക്കി
വിളവെടുക്കുന്ന ഉത്പന്നങ്ങള്, മൂല്യ വര്ദ്ധിതമായി വിപണനം
ചെയ്യുമ്പോഴാണ് കര്ഷകന് പിടിച്ചു നില്ക്കാന് ആകുക. വിപണി വില
തീരുമാനിക്കുന്നത് കര്ഷകന് ആണ്. വിതരണക്കാരല്ല.. അത് കൊണ്ടാണ് ഈ വില.
ഒരു തരം രാസ വസ്തുക്കളോ കീടനാശിനികളോ, ഉപയോഗിക്കാതെയാണ് നമ്മുടെ അസംസ്കൃത
വസ്തുവായ കരിമ്പ് കൃഷി ചെയ്യുന്നത്. പരിചരണവും, ജൈവ രീതിയില് തന്നെ.
കരിമ്പിന്റെ ശുദ്ധീകരണത്തിനു മറ്റു ചേരുവകള് ഇല്ലാത്ത ചുണ്ണാമ്പു
ഉപയോഗിക്കുന്നുണ്ട്. സാധാരണ ഘടകങ്ങള് ആയ സോഡിയം ബൈ കാര്ബനേറ്റ്, ആലം
എന്നിവ പൂര്ണമായും ഒഴിവാക്കുന്നുണ്ട്. ഈ പറഞ്ഞ രാസികങ്ങളും, മറ്റു
രാസവള കീട നാശിനികളും ചേരാത്ത ശര്ക്കരയാണ് എന്നതാണ് ജൈവ ശര്ക്കരയുടെ
പ്രത്യേകത.