കാലം വരച്ചിട്ടതെങ്ങാണ്
പുതുമഴ പെയ്തതിന്‍ നറുമണം പൂക്കുന്ന,
തെങ്ങിളനീരിന്റെ മധുരം നുണയ്ക്കുന്ന.
മൃദുമര്‍മരങ്ങളായ് ഈണം പകരുന്ന,
അരുണ മേഘങ്ങളിന്‍ വര്‍ണം വിതയ്ക്കുന്ന,
ശിശിര മേഘത്തിന്റെ കുളിര്‍കാറ്റടിക്കുന്ന,
സായന്തനത്തിന്റെ കല്പനാ തീരത്ത്,
അണിയാതെ അടരാതെ അറിയാതെ പറയാതെ
ഇടയാതെ ഇടറാതെ ഇറുകാതെ ഇഴയാതെ
അറിവായി അഴകായി അന്പിന്റെ നിറവായി,
അലയായി, മഴയായി, അലിയുന്ന നേരത്ത്,
അമൃതമായ് ഉള്ളത്തില്‍ അണിയിച്ചു നല്‍കിയ
അമരമാം ജീവന്റെ കൊഴിയാത്ത കണ്ണിയെ
സ്വപനമായ്, മോഹമായ്, ഭാവനാ രൂപമായ്‌,
പ്രണയ സംചാലന ചിത്രമായ്‌, ഭാവമായ്,
തേടലായ്, സ്മേരമായ്, സ്നേഹത്തലോടലായ്
വേലിയായ്, വേലയായ്, വേദനാരൂപമായ്
കാലം വരച്ചിട്ടതെങ്ങാണ് എന്നാണ്
എന്തിനാണെന്നതും ഓര്‍ക്കുവാനാകുമോ?
- സന്തോഷ്‌ ഒളിമ്പസ്
No comments:
Post a Comment