ഗുരുകുലം എന്നത് സംപൂര്ണതയുടെ കേദാരമല്ല.. മറിച്ച്, പ്രാപഞ്ചിക ജീവിത യാഥാര്ത്യത്തിലേക്കുള്ള കവാടം ആണത്. ഇത് ഒരു യാത്രാ ലോകം ആണ്. അനുഭവങ്ങളിലൂടെ ചേര്ക്കലും കൂട്ടിചേര്ക്കലും, അഴിച്ചു പണിയുകയും ചെയ്തു കൊണ്ട് ഒരു യാത്ര. അവിടെ എല്ലാം ഉള്ക്കൊണ്ടു അറിഞ്ഞു യോഗ്യരായവര് മാത്രമേ വരുന്നുള്ളൂ എങ്കില്, ഇങ്ങിനെ ഒരു ഗുരു കുലം ആവശ്യമില്ല തന്നെ..
ഇവിടെ അടുത്തുള്ള ബസ് സ്റ്റോപ്പില് നിന്നും ഡല്ഹിക്ക് വണ്ടി കയറുമ്പോള്, ബസ്സിന്റെ ദിശ ശരി ആണെങ്കില്, യാത്ര ഡല്ഹിക്ക് തന്നെ. ദിശ ശരിയല്ലെന്ന് അറിഞ്ഞാല് ബസ്സില് നിന്നും ഇറങ്ങി, ശരിയായ ദിശ കണ്ടു പിടിക്കണം. ദിശ ശരി ആണെന്ന് അറിയും തോറും യാത്രയുടെ ആര്ജവം കൂടും. മുന്പ് ഡല്ഹി കണ്ടിട്ടുള്ളവനായിരിക്കും, ബസ്സിന്റെ സാരഥി.. അല്ലെങ്കില് ഏറ്റവും ചുരുങ്ങിയത് ഡല്ഹിയിലേക്ക് എങ്ങിനെ വണ്ടിയോടിക്കണം എന്നെങ്കിലും അറിവുള്ളവന്.,, അയാളും ഒത്തു ഡല്ഹിയിലേക്ക് സഹയാത്ര ചെയ്യുമ്പോള്, അയാള് ഡല്ഹിയെ പറ്റിയുള്ള അനുഭവ ഭണ്ടാരം തുറക്കും. ഡല്ഹിയെത്തിയാല് പിന്നെ ഡല്ഹിക്കുള്ള യാത്ര ഇല്ല... അവിടെ വന്നു കണ്ടോളാം എന്നാണ് ഒരാള് കരുതുന്നതെങ്കില് പിന്നെ സാരഥിയുമൊത്ത് സഹയാത്രയും ഇല്ല. അങ്ങിനെ ഒരു ബസ്സും പ്രസക്തമല്ല.
ഒളിമ്പസ് ഒരു വഴി ആണ്, ഒരു ബസ്സ് പോലെ.. പലരും വഴിക്ക് കയറും, വഴിക്ക് ഇറങ്ങും..ഒടുക്കം വരെ യാത്ര ചെയ്യുന്നവര് വളരെ കുറവ്.. വിശുദ്ധ കല്പനയും, ഭക്തിയും ഉണ്ടാകണം എന്ന് കരുതുന്നത് നല്ലത് തന്നെ.. എങ്കിലും അതുണ്ടായി മാത്രമേ ഈ വണ്ടിയില് കയറൂ എന്നയാള് ഒരു പക്ഷെ ഒരിക്കലും അതുണ്ടായി എന്ന് വരില്ല..
No comments:
Post a Comment